Мустақиллик тарафдори Лай Циндэ ғалаба қозонган Тайван сайловлари натижаси Хитой етакчиси Си Цзиньпин учун жумбоқ бўлиб қолмоқда ва Хитойнинг Тайванга босимининг давом этиши АҚШ-Хитой муносабатларида тинчликка таҳдид солиши мумкин. Бу ҳақда Американинг Wall Street Journal газетаси ёзмоқда.
«Натижа Тайванни материкга қўшиб олиш бўйича саъй-ҳаракатларни кучайтирган Хитой етакчиси Си Цзиньпин учун жумбоқ туғдирмоқда… Тайванга қарши янги риторика ва куч намойишлари минтақавий тарангликни кучайтиради ва АҚШ-Хитой муносабатларида қийинчилик билан эришилган, аммо тахминий хотиржамликка таҳдид солади», – дейилади нашрда.
Газетанинг таъкидлашича, Хитойнинг Тайванга нисбатан ўзаро савдо ва маданий алмашинувларни кенгайтириш каби чоралари «беҳудага ўхшайди», чунки улар Тайван ўзига хослигининг кучайишини тўхтатиш учун озгина иш қилган.