Ижтимоий тармоқларда дарс жараёнида ўқувчига ўқитувчи томонидан тарсаки туширилаётганлиги акс этган видео тарқалди.
Аниқланишича, ушбу ҳолат 2022 йил октябрь ойида Ургут туманидаги 6-умумтаълим мактабида инглиз тили дарсида содир бўлганлиги маълум бўлди.
Маълумотларда келтирилишича, 9-синф ўқувчиси Д.Р. дарсга ўртоқлари билан кечикиб келгани ва дарсни бузиб, ўқитувчига гап қайтарган пайт, ўқитувчи тарсаки туширганлигига аниқлик киритилган.
Ушбу ҳолат юзасидан умумий ўрта таълим муассасаларининг ички тартиб ва одоб-ахлоқ қоидаларини бузганлиги сабабли, 9-синф ўқувчиси Д.Р.нинг хатти-ҳаракатлари ҳақида ота-онасига хабар берилган. Ўқувчи қилган ишидан пушаймонлигини айтиб, ўқитувчидан кечирим сўраган.
Шу билан бирга, умумий ўрта таълим муассасаларининг ички тартиб ва одоб-ахлоқ қоидаларини бузиб, ўқувчига қўл кўтарганлиги учун инглиз тили ўқитувчиси А.Ҳ. га нисбатан интизомий жазо чораси қўлланилган.
Шуниндек, бугунги кунда ўқитувчи А.Ҳ. Ургут туманидаги 6-умумтаълим мактабида ишламаётганлигини маълум қилинди.
