Арманистонга учган Россия самолёти учиш аэропортига қайтди
Россиянинг “Азимут” авиакомпаниясининг Арманистонга учаётган самолёти зудлик билан йўналишини ўзгартириб, учиш аэропортига қайтди.
Бу ҳақда Россия ОАВлари хабар бермоқда.
Ҳодиса Минералне Водидан Ереванга кетаётган йўловчи лайнери билан содир бўлган. Қайд этилишича, чап двигателнинг капоти самолётдан тушиб кетган. Ғилоф аэропорт ҳудудига тушган.
“Самолёт командири учиш аэропортига қайтишга қарор қилди, у ерда бир неча дақиқадан сўнг хавфсиз қўнишни амалга оширди”, — дейилади хабарда.