Ўзбекистонлик халқаро гроссмейстер АҚШда энг яхши аёл шахматчи деб топилди
Миссури Университети талабаси Бегим Тохиржонова яқинда АҚШ шахмат федерацияси томонидан 2023 йилнинг энг яхши аёл шахматчиси деб топилди. Бу ҳақда университетнинг расмий веб-сайтида хабар берилди.
Бегим Тохиржонова асли ўзбекистонлик бўлиб, у халқаро гроссмейстер ҳисобланади. Шунингдек, Тохиржонова 2019 йилда ташкил этилган Mizzou Chess жамоаси аъзоси ҳамдир. Бегим бизнес бошқаруви йўналишида менежментга урғу бериб, тадбиркорлик ва инновациялар бўйича кичик курсни тамомламоқда ва глобал бизнес сертификатига эгa.