Грузиянинг асосий вазифаси минтақада тинчлик ва барқарорликни сақлаш, деди Бош вазир Ираклий Гарибошвили.
«Бизнинг асосий вазифамиз, асосий манфаатимиз – тинчлик ва барқарорликни сақлаш, бу халқларимизнинг янада фаровон бўлишининг асосидир», деди Гарибошвили Озарбайжон президенти Илҳом Алиев билан қўшма матбуот анжуманида.
Унинг сўзларига кўра, Грузия расмийларининг барча саъй-ҳаракатлари мамлакатлар иқтисодиёти ва аҳолисининг фаровонлигига қаратилган. Минтақадаги тинчлик эса янги лойиҳаларни амалга ошириш, жумладан, Озарбайжон билан ҳамкорликда транспорт ва энергетика коридорларини ривожлантириш имконини беради.
Грузия Бош вазири расмий ташриф билан Озарбайжонда. Гарибошвилининг Озарбайжон Республикаси Президенти Илҳом Алиев билан учрашуви ёпиқ эшиклар ортида ўтди, шундан сўнг қўшма матбуот анжумани ўтказилди.
