Фото: Shutterstock Хитой полицияси гиёҳванд моддаларни топишга ўргатилган олмахонлардан иборат биринчи отрядни тузди. Бу ҳақда The Washington Post хабар берди. Чунсин ҳуқуқ-тартибот идораларида хизмат қилиш учун ўқитилган олмахонлар итлар каби ноқонуний моддаларни аниқлашни ўрганди. Бу уларнинг итлар етиб бормайдиган кичик жойларга кириш имконини беради. “Олмахонларнинг ҳид билиш ҳисси жуда юқори. Шунчаки, кемирувчиларни ўргатиш технологиямиз ҳали етарлича шаклланмаган”, — деди полициячи кинолог Ин Сзин. Анъанага кўра, Хитойда гиёҳванд моддаларни аниқлаш иши бурунларида 300 миллион рецептори бўлган итлар томонидан амалга оширилган. Бироқ, итлар кириш имконига эга бўлмаган жойларни олмахонлар осонлик билан кира олади. Жумладан, олмахонлар жўнатмалар, омборлар ва яширин жойларда гиёҳванд моддаларни излай олади. Таъкидланишича, олмахонлар итларга ўхшаб гиёҳванд моддалар топганда тирнашга ўргатилган. Бу уй ҳайвонлари, жумладан кемирувчиларни гиёҳванд моддаларга қарши курашда янги отрядларни жалб қилиш бўйича миллий тадқиқот лойиҳасининг бир қисми ҳисобланади. Бунгача каламушлар бомбаларни топиш ва зарарсизлантириш учун ўн йилдан кўпроқ вақт давомида ишлатилган.
