"Манчестер Сити" юлдузи Эрлинг Холанд анча ёмон статистика қайд этмоқда. Гап шундаки, норвегиялик ҳужумчи АПЛ 20-туридан ўрин олган "Манчестер Юнайтед"га қарши беллашувда майдонни голсиз тарк этди. Бутун ўйин давомида у атиги 2 бор де Хеа постига зарба берди. Бу ёш форвард учун рақиб дарвозаси ишғол этилмаган кетма-кет учинчи баҳс сифатида тарихга кирди. Аввалроқ, у "Саутгемптон" ҳамда "Челси" жамоаларига қарши учрашувларда ҳам гол ура олмаганди. 22 ёшли Холанд жорий мавсум "шаҳарликлар" либосида барча турнирлар доирасида 30 ўйинда майдонга тушди. Бу беллашувларда у ўз ҳисобига 33 гол ва 4 ассистни ёздириб қўйишга муваффақ бўлган.
