"Рома" ва "Кадис" жамоалари ўртасидаги ўртоқлик ўйини якунланди. Италияликлар Португалиядаги йиғин доирасида Ла Лига вакили "Кадис"га йирик ҳисобда таслим бўлишди. Ўйин натижасига римликлар ҳимоячиси Матиас Виньянинг 38-дақиқада олган қизил карточкаси ҳам таъсир кўрсатди. Ўзбекистон миллий жамоаси сардори Элдор Шомуродов эса иккинчи тайм бошида Заньолонинг ўрнини эгаллади. Аммо, "Рома" "Кадис"нинг катта устунлиги сабаб деярли вазият ярата олмади. Беллашувда Алькарас дубль муаллифига айланган бўлса, яна бир голни Бонгонда ўз номига ёздириб қўйди. "Рома" (Италия) – "Кадис" (Испания) 0:3 Голлар: 0:1 – 23 Алькарас, 0:2 – 68 Бонгонда, 0:3 – 90 Негредо. "Рома": Свилар, Карсдорп (Челик, 46), Манчини (Смоллинг, 46), Кумбула, Винья, Матич (Камара, 46), Пеллегрини, Бове (Кристанте, 46), Заньоло (Шомуродов, 46), Абрахам (Вольпато, 46; Залевски, 80), Эль-Шаарави (Рожер, 46). "Кадис": Ледесма (Хиль, 46), Спатс (Карселен, 64), Эрнандес (Хосе Мари, 63), Фали Хименес (Льебанас Гонсалес, 46), Арсамендия (Собрино, 63), Алехо (Бонгонда, 63), Алекс Фернандес (Гарсия-Дие, 64), Алькарас (Сан-Эметерио, 64), Лукас Перес (Негредо, 46), Лосано (Хименес, 64), Окампо (Fornés, 33; Эспино, 64). Огоҳлантиришлар: Алехо (28), Фали Хименес (45), Собрино (86), Кристанте (87), Челик (87), Ледесма (87). Четлатиш: Винья (38).
