Нукус туманлараро иқтисодий судининг 30.08.2022 йилдаги ижро варақасига асосан қарздор “E.T.F.” масъулияти чекланган жамиятидан ундирувчи акциядорлик тижорат банки “Aloqabank” филиали фойдасига 700 млн. сўм кредит қарздорлиги, 80,9 млн. сўм фоиз, шунингдек, пеня ва почта ҳаражатини ундириш белгиланган. Мазкур ижро варақаси Бюронинг Хўжайли тумани бўлими иш юритувига келиб тушиб, тегишли тартибда ижро иши юритуви қўзғатилган ва томонларга таништирилган. Ижро ҳаракатлари давомида, қарздор жамиятга тегишли умумий майдони 1.200 кв.м бўлган биноси хатланган ва баҳолаш ташкилоти томонидан 875 млн. сўмга сўмга баҳоланиб, электрон онлайн-аукцион орқали ким-ошди савдосига чиқарарилган. Натижада, мол-мулк 822 млн. сўмга сотилиб, келиб тушган маблағлари 25.11.2022 йилда “Aloqabank” филиали фойдасига тўлиқ ундириб берилди. Ижро ҳужжати эса, Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонунининг 41-моддасига асосан тамомланди.
