Қатарда бўлиб ўтган 2022 йилги жаҳон чемпионатида қатнашаётган немис шарҳловчиси марокашлик футболчиларнинг ўйиндан кейин ота-оналарини қучоқлаб, ўпишлари ҳамда майдонда дуо, сажда қилишларига эътибор қаратган. «Биз ҳозирги пайтда Ғарб жамиятида яқин оилавий ришталарни кўрмаяпмиз. Оила тушунчаси йўқолиб бормоқда ва биз фақат футболчиларнинг уларнинг ота-оналари қариялар уйида ўтирганида моделлар ва аёллар билан ўпишаётганини кўришимиз мумкин. Марокашнинг ғалабаларида оиланинг маънавий ёрдами катта роль ўйнади. Биз эса ҳамжинсбозликни қўллаб-қувватлаш учун келдик ва қўлларимиз билан оғзимизни ёпдик». Биз уларга футбол ўйнашни ўргатган эдик, энди улар муваффақият қозонишди ва биздан ўзиб кетишди. Худди шундай биз ҳам улардан ахлоқ ва оилавий қадриятларни ўрганишимиз керак, шоядки бир кун келиб биз ҳам футболчиларимизнинг ота-оналарининг пешонасидан ўпишларини кўрсак. Ислом - Марокашнинг давлат дини. Аҳолининг 98,7 % мусулмонлар, 1,1% христианлар ва 0,2 фоизини яҳудийлар ташкил этади. Шуни ҳам қўшимча қилиш лозимки, марокашликлар ҳар бир ўйиндан олдин жамоавий Фотиҳа сурасини ўқиб, салавотлар айтишни одат қилиб олишган. Марокашлик футболчилар 1970 йилги Жаҳон чемпионатида очко олган Африканинг илк жамоасидир. Бундан ташқари, 1986 йилги мундиалда африкаликлар орасида биринчи марта плей-оффга чиққан ҳамда бу йилги Жаҳон чемпионатида яримфиналига чиққан Африканинг илк жамоаси бўлди.
