Аргентина терма жамоаси ҳужумчиси Лионель Месси Хорватия терма жамоаси билан ярим финал учрашувида (3:0) Доминик Ливаковичга қарши ўйинда пенальтини тепиш учун қандай техникани танлаганини айтиб берди. "Хорватиялик дарвозабоннинг техникасини ўргандим. Биз у зарба йўлланишини сўнгги паллагача кутишини билардик. Энг яхшиси дарҳол зарба бериб, уни ажаблантириш эди", – деди Месси. 17 декабрь куни Хорватия терма жамоаси Қатарда бўлиб ўтаётган мундиаль ярим финалида 3-ўрин учун Марокаш билан учрашади. Аргентина эса ЖЧ-2022 ғолиблиги учун 18 декабр куни Францияга қарши майдонга тушади.