Европа футбол клубларини қизиқтирган бразилиялик Эндрик охир-оқибат “Реал Мадрид”ни танлади. Клуб 16 ёшли футболчининг трансфери бўйича келишувни расман эълон қилди.
Эндрик “Мадрид” га фақат 18 ёшга тўлганда, яъни 2024 йилнинг июль ойида кўчиб ўтиши мумкин. Бу вақтгача ҳужумчи ўз ватанидаги “Palmeyras” жамоасидаги ўйинларини давом эттиради.
Мадридликлар йигитнинг трансфери учун 60 миллион евро тўлайди: 35 миллион аллақачон “Palmeyras”нинг ҳисобига тушди, яна 25 миллиони эса бонуслар. Баъзи маълумотларга кўра, футболчининг маоши йилига 2 миллион еврони ташкил қилади. Унинг шартномаси 2027 йилгача мўлжалланган ва яна уч йилга узайтирилиши мумкин.
Эслатиб ўтамиз, Эндрик 2022 йилги ички чемпионатда “Palmeyras” сафида 7 та ўйин ўтказиб, 3 та гол ва битта голли узатмани амалга оширган.