Бу ҳақда Владимир Путин ШҲТ ва МДҲга аъзо давлатлар мудофаа вазирликлари раҳбарлари йиғилиши иштирокчиларига видеомурожаатида айтиб ўтди. Йиғилиш бугун Москвада бўлиб ўтмоқда.
“Ҳақиқатан ҳам кўп қутбли дунё тартибининг контурлари кўз ўнгимизда туғилмоқда: Осиё, Африка, Лотин Америкасида ўз миллий манфаатларини, суверенитетини, ўз йўлидан бориш ҳуқуқини тобора кўпроқ ҳимоя қилаётган янги тараққиёт марказлари шаклланмоқда”, – деди Россия президенти.
Унинг фикрича, тарихнинг бу объектив жараёнларига қаршилик кўрсатишнинг шунчаки иложи йўқ.
