Ижтимоий тармоқларда Андижон вилоятининг Асака туманида эр оилавий келишмовчиликлар туфайли ўз турмуш ўртоғини қасддан ўлдиргани тўғрисида хабарлар тарқалди.
Бош прокурорнинг матбуот котиби Хаёт Шамсутдинов мазкур хабарлар юзасидан расмий муносабат билдирди.
Матбуот котибининг маълум қилишича, эркакка нисбатан Жиноят кодексининг 97-моддаси билан жиноят иши қўзғатилган.
Жорий йилнинг 7 декабрь куни гумонланувчи процессуал тартибда ушланган. Қўшимча қилинишича, ҳолат бўйича тергов ҳаракатлари давом этмоқда.