Жанубий Корея президенти Юн Сок Ёлнинг НАТО саммитида иштироки мамлакатнинг Россияга ёки Хитойга қарши сиёсат юритишни бошлаётганини англатмайди, деб ёзмоқда Korean Times газетаси президент маъмурияти манбаларига таяниб.
«Президент Юн Сок Ёлнинг саммитда иштирок этишига нисбатан бизнинг позициямиз ўзгармаган. Аввал ҳам таъкидлаганимиздек, Юн Сок Ёлнинг иштироки Сеул мамлакатни Россия ёки Хитойга қарши сиёсат юритишга буриб юборади, дегани эмас», – дейди Korea Times газетасига маълумот берган манба.
Юн Сок Ёл НАТОнинг 29-30 чи июнь кунлари бўлиб ўтиши кутилаётган саммитда иштирок этади. У саммит сессиясида маъруза ўқийди. Шунингдек, Жанубий Корея, АҚШ ва Япония етакчиларининг уч томонлама музокарасида қатнашади, қолаверса, қатор бошқа мамлакатлар билан ҳам икки томонлама музокаралар олиб боради.