"Барселона"га ўтган вингер Адама Траоре ўзининг трансфери, клуби ва бош мураббийи ҳақида гапирди. «Мен қайтдим. Ҳозир энг муҳими — мураббий билан гаплашиб олиш ва унинг мендан нима хоҳлаётганини билиб олиш. Мен бор кучим билан меҳнат қилишга тайёрман. Мени мана шу даражагача етишимга сабаб бўлган даражада машғулотларни ўтказишда давом этаман. Мени бу ернинг ёшлар жамоаларида кўрганлар қандай инсон эканлигимни яхши билишади. Максимал натижалар беришга ҳаракат қиламан. Мақсадим — ишлаш ва кундан кунга ривожланиш. Мен доим, ҳеч нарса ўрганмаган кунинг — йўқотилган кун, деб айтаман. Мен кучли мураббийдан, футболчилик фаолиятида катта совринларни ютган ҳақиқий афсонадан сабоқ олишни истайман. Менга билдирилган ишончни майдонда оқлашга ҳаракат қиламан», — деди испаниялик футболчи. Эслатиб ўтамиз, каталонияликлар Адамани сотиб олиш имконияти билан мавсум сўнгига қадар ижарага олди.
