Ўзбекистонда 29 январь куни 1104 кишида коронавирус аниқланди. Бу билан коронавирус инфекцияси қайд этилганлар сони 221919 кишига етди.
Янги касалланиш ҳолатларининг аниқланиши бўйича биринчи учликда Тошкент шаҳри (453 нафар), Фарғона вилояти (116 нафар) ва Тошкент вилояти (102 нафар) бормоқда.
Касалликдан соғайганлар жами 210022 нафарга етди ва соғайиш кўрсаткичи 95 фоизни ташкил этмоқда.
Шунингдек, 3 нафар коронавирусга чалинган бемор вафот этиб, касалликдан вафот этганлар сони 1561 нафарни ташкил қилди. Қолаверса, кеча 217 нафар кишида пневмония аниқланди.