Ўзбекистон терма жамоаси Дубайдаги йиғин доирасида Жанубий Судан терма жамоасига қарши ўртоқлик учрашувида майдонга чиқди. Мазкур баҳсда ҳамюртларимиз йирик 3:0 ҳисобида рақибдан устун келди. Вакилларимиз сафида Шомуродов биринчи бўлимда икки бор рақиб дарвозасини ишғол қилди. Иккинчи таймнинг 67-дақиқаси ўтиб бораётган бир пайтда Машарипов 11 метрли жарима зарбасидан унумли фойдаланиб, ҳисобни йирик кўринишга келтириб қўйди. Эслатиб ўтамиз, термамиз 1 февраль санасида Янги Зеландияга қарши навбатдаги ўртоқлик ўйинини ўтказади. Ўзбекистон - Жанубий Судан 3:0 Гол: Элдор Шомуродов 6, - 1:0. Элдор Шомуродов 29, - 2:0 (Жавоҳир Сидиқов). Жалолиддин Машарипов 67 пенальти, - 3:0. Ўзбекистон: 16.Валижон Раҳимов, 9.Дилшод Саитов (3.Ҳожиакбар Алижонов, 81), 15.Умар Эшмуродов, 2.Ислом Қобилов, 18.Шерзод Насруллаев, 20.Акмал Мозговой (17.Сардор Собирхўжаев, 57), 7.Отабек Шукуров, 22.Жавоҳир Сидиқов (6.Азиз Ғаниев, 46), 23.Ҳожимат Эркинов (21.Шаҳбоз Умаров, 57), 10.Жалолиддин Машарипов (8.Ойбек Бозоров, 72), 14.Элдор Шомуродов (11.Шерзод Темиров, 72).
