Хитойда Россиянинг юк ташувчи лайнери ёниб кетди. «Aвиастар-Ту» авиакомпаниясига тегишли «Ту-204» самолёти мамлакат жануби-шарқидаги Ханчжоу аэропортида ёниб кетган.
Россия лайнери юк бўлимида ёнғин бошланган. Воқеа жойидан олинган фотосуратларга кўра, самолёт ёнғиндан жиддий зарар кўрган – ўт ўчирувчиларнинг ҳаракатига қарамай, самолётнинг «териси» ёниб кетган ва фюзелажнинг ўзи парчаланиб кетган.
Ҳодиса вақтида одамлар жабрланмаган — экипаж аъзолари ўз вақтида кетишга муваффақ бўлган. Ҳодиса сабаблари ҳозирча аниқланмаган, суриштирув ишлари олиб борилмоқда.
