Ҳиндистоннинг Соғлиқни сақлаш вазирлиги хабарига кўра, 5 январь куни мамлакатда коронавируснинг “Omicron” шатмми билан боғлиқ биринчи ўлим ҳолати қайд этилган.
Қайд этилишича, вафот этган бемор 74 ёшли эркак киши бўлган. У қандли диабет ва иккиламчи касалликлардан азият чеккан. У Удайпур касалхонасига 15 декабр куни ётқизилган.
Маълумотларга кўра, охирги суткада коронавирусдан 325 киши вафот этган бўлиб, шулардан атиги биттаси “Omicron” билан боғлиқ.
Ҳиндистонда пандемия бошланганидан буён 35 миллиондан ортиқ COVID-19 билан касалланган бўлиб, 482 000 га яқин ўлим ҳолатлари қайд этилган.
