Эшитишимизга қараганда, жамоани 2021 йилги мавсумда бошқарган Питер Хюистра билан ҳамкорлик давом эттирилмайди. Нидерландиялик мутахассис кўп эҳтимол билан Шота Арвеладзенинг янги жамоасида у билан бирга иш бошлайди. Аввалроқ Шота Англиянинг "Халл Сити" клубини қабул қилиб олиши ҳақида хабар бергандик. Эслатиб ўтамиз, Питер 2018-2020 йилларда ҳам грузиялик мураббийнинг "Пахтакор"даги ассистенти вазифасини бажарган эди. Шунингдек, "Пахтакор"нинг янги мураббийи ҳам хорижлик мутахассис бўлади. Унинг 8 январь куни Истанбул орқали Тошкентга учиб келиши кутиляпти.