Беларуснинг Могилёв шаҳрида сиёсий тутқун Дмитрий Дудойть ўз жонига қасд қилди.
Тергов қўмитаси 6 январь куни кўчадаги кузатув камераларидан олинган видеони эълон қилди. Видеода Дудойть кўприкдан пастдаги автомобиль йўлига ўзини ташлаётгани акс этган.
Сморгони шаҳрида яшаган 43 ёшли Дмитрий Дудойть ижтимоий тармоқда маҳаллий полиция раҳбарига нисбатан қонун билан тақиқланган сўзлардан иборат шарх қолдиргани учун 2 йилга озодликдан чеклаш жазосига ҳукм қилинган эди.
Ўтган йилнинг декабрида Дудойть жазони ўташ учун Могилёв шаҳрига олиб келинган. 5 январь куни у тиббий кўрикдан ўтказилиш учун поликлиникага олиб келинган. Аммо кўрикдан ўтмай қочиб кетган. Орадан бир неча дақиқа ўтгач у ўз жонига қасд қилган.