Футбол бўйича Испания Ла Лигасининг 13-туридан ўрин олган бир қатор учрашувлар 7 ноябрь, якшанба куни бўлиб ўтди. «Атлетико» сафарда «Валенсия»га қарши баҳс олиб борди. 35-дақиқада Луис Суарес мадридликларнинг дастлабки голини урди. Иккинчи бўлим дебютида майдон эгалари автогол эвазига мувозанатни тиклади. Шундан кейин «Атлетико» икки дақиқа ичида икки марта рақиб дарвозасини аниқ нишонга олди. Барчаси «матрасчилар»нинг ишончли ғалабаси томон кетаётган бир вақтда Уго Дуро қўшиб берилган дақиқаларда дубль қайд этган ҳолда, «Валенсия»ни мағлубиятдан қутқариб қолди. Учрашувдаги голлар видеосини бу ерда томоша қилиш мумкин — ҳавола. «Атлетико» 12 ўйинда 23 очко тўплаган ҳолда 4-ўринда бормоқда ва пешқадам «Реал»дан 4 очкога ортда. «Валенсия» эса очколарини 17 тага етказиб, 10-поғонага кўтарилди. Ла Лига 13-тур баҳслари 7 ноябрь, якшанба «Валенсия» — «Атлетико» 3:3 Голлар: 0:1 – 35 Суарес, 1:1 – 50, автогол Савич, 1:2 – 58 Гризманн, 1:3 – 60 Врсалко, 2:3 – 90+2 Дуро, 3:3 – 90+6 Дуро. «Валенсия»: Силлессен, Фулке, Алдерете (Валехо, 85), Диакаби, Гайя, Солер (Куандреди, 85), Гилямон, Васс (Маркос Андре, 65), Рачич (Муса, 65), Гедеш, Элдер Кошта (Дуро, 85). «Атлетико»: Облак, Триппьер (Врсалко, 8), Савич, Хименес, Эрмосо, Карраско, Коке, де Пауль (Жоау Феликс, 87), Суарес (Эррера, 87), Гризманн, Корреа (Кондогбиа, 73). Огоҳлантиришлар: Гилямон (76), Врсалко (90). «Вильярреал» — «Хетафе» 1:0 Гол: 1:0 – 10 Тригерос.
