Сербиянинг Белград шаҳрида бокс бўйича эркаклар ўртасидаги жаҳон чемпионати давом этмоқда. Бугун Ўзбекистон номидан биринчи бўлиб Асадхўжа Мўйдинхўжаев (-67 кг) рингга кўтарилди. У япониялик Севонрец Оказава билан тўнаш келди. Жангда ҳамюртимиз имкониятни бой берди. Ғалаба қозонган япониялик боксчи Оказава SPORTS.uz сайтига қисқача интервью берди. - Ушбу ғалабамда Владимир Николаевич Шин (Ўзбекистон терма жамоасининг собиқ мураббийи)нинг хизматлари катта. У инсондан кўп нарса ўрганмоқдамиз. Владимир Николаевич Шин бизни оддий овқатланишимиздан тортиб, массажларга ҳам эътибор берарди. Агар мусобақада чемпион бўлсам, олтин медални айнан ўзбекистонлик Владимир Николаевич Шинга тақдим этаман, - деди Оказава.