Tesla компанияси раҳбари Илон Маскнинг бойлиги 250 миллиард доллардан ошди. Бунга электромобиль ишлаб чиқарувчининг акциялари нархи қимматлашиб бораётгани сабаб бўлмоқда, дейилади, Блумберг агентлигининг Bloomberg Billionaires Index (BBI) таҳлилий марказининг тарқатган ҳисоботига таяниб берган хабарида.
Ҳисоботда айтилишича, Маскнинг бойлиги сўнги бир кунда 3,9 миллиард долларга ошиб, жами 252 миллиард долларни ташкил этган. Блумбергнинг маълумотига кўра, Tesla раҳбари ҳамон дунёнинг энг бой кишилари рўйхатини бошқариб келмоқда. Ушбу рўйхатда иккинчи ўрин Amazon асосчиси Жефф Безосга тегишли бўлди. Унинг бойлиги 193 миллиард долларга баҳоланган.
Умуман, ҳозирда Tesla компаниясининг капиталлашуви 900 миллиард доллардан ошган, айтилади.
Бундан олдинроқ компания сўнгги чоракда рекорд даражада кўп фойда олганини маълум қилган эди.