Бугун "Мисс Россия мигрантлар федерацияси" гўзаллик танловининг финал босқичи бўлиб ўтди. Тадбирни Россия мигрантлар федерацияси @fmr_online ташкил этди. Финал босқичида Россия, Қирғизистон, Тожикистон, Туркманистон ва Ўзбекистондан жами 10 нафар қиз қатнашди. Биринчи ўринни ўзбекистонлик Рушана Каримова эгаллади. У Москва молия-юридик университетида таҳсил олиш сертификати билан тақдирланди. Мигрант аёллар ўртасида ҳар йили ўтказиладиган гўзаллик танлови иккинчи марта ўтказилмоқда. Ўтган йили тожикистонлик Фотима Каладорова ғолиб бўлганди, "вице-мисс" унвони Россия Тува Республикасидан Диана Бадирги қўлга киритди, “томошабинлар эътирофи” эса қирғизистонлик Камила Полотбековага насиб қилди.