Фото: «Korrespondent.net» Ҳиндистонлик аёл сочини ёмон турмаклаган гўзаллик салонига нисбатан қўзғатилган судда ютиб чиқди. Энди унга компенсация сифатида 271 минг доллар тўланади, деб ёзади «Korrespondent.net». Ҳодиса 2018 йил, Деҳлидаги сартарошхоналардан бирида содир бўлган. Унда сартарошлардан бири мижознинг сочини айтганидан кўпроқ қилиб кесиб юборган. Аниқроғи бошидан елкасигача 4 дюм (10,16 см) соч қолдирган. Соч учун маҳсулотлар ишлаб чиқаришга мўлжалланган фирма ходими бўлган аёл, омадсиз турмакдан кейин қаттиқ асабийлашиб, ишидан бўшаган. Кейин эса яна икки йил давомида психикаси билан боғлиқ муаммодан азият чеккан. «У ойнага қарамай қўйган. У коммуникация соҳасида профессионал ва учрашув ҳамда интерфаол сессияларда иштирок этиши керак. Аммо калта соч турмаги сабаб ўзига бўлган ишончини йўқотган», — дейилади суд қарорида. Ҳиндистоннинг истеъмол билан боғлиқ низоларини ҳал қилиш бўйича миллий комиссияси ушбу ҳодисани «аёлнинг турмуш тарзини буткул ўзгартирган ҳамда унинг топ-модель бўлиш ҳақидаги орзуларини барбод қилган» деб баҳолаган. Шундан келиб чиқиб Ҳиндистоннинг истеъмолчи ҳуқуқлари бўйича суди гўзаллик салонини мижозга 20 миллион рупий, яъни 271 миллион доллар тўлаши керак деб ҳукм чиқарган. Шунга қарамай, гўзаллик салонининг суд ҳукмига нисбатан шикоят билдириш учун ҳали вақт бор дейилади, хабарда.
