Енгил вазн тоифасида собиқ UFC чемпиони Хабиб Нурмагомедов Месси ва Роналдудан қайси бири кучлироқлиги ҳақида ўз фикрлари билан ўртоқлашди. - Криштиану билан дўстлигингизни четга сурган ҳолда айтинг-чи, ким кучлироқ — у ёки Месси? - Криштиану яхшироқ, менимча. Месси ҳам жуда яхши ўйнайди, у тарихдаги энг яхши футболчилардан бири. Улар ўйин бўйича тенг, иштиёқ борасида Криштиану кучлироқ. - Криштиану ёки Роналдо ("Сўйлоқ")? - Болалигим – бу "Сўйлоқ". Келинг, иккаласини ҳам танлайлик. Бутун умрим давомида унинг ўйинларини кузатганман. У узоқ вақт чўққида бўлмади, кўп жароҳат оларди. 1996 йилдан 2005 йилгача ўйнаган. 8-9 йил ҳаммаси яхши эди. Криштиану эса 17 йилдан бери юқори нотада. У 2004 йилда Евро финалида иштирок этди, ҳозир эса 2021 йил, у ҳали ҳам гол урмоқда. Футболда бунақа ҳодиса бўлмаган. Месси 2006 йилда бошлаган ва 2009 йилда биринчи Чемпионлар Лигасини ютган. Менимча, Месси 12 йил чўққида эди, Криштиану эса 17 йилдан буён. Шахсий фикримча, Криштиану ундан кучлироқ.
