Фото: «Zakon.kz» Aфғонистон собиқ алоқа вазири Германияда озиқ-овқат етказиб берувчи сифатида ишга жойлашди. Германияга жўнаб кетган Aфғонистон собиқ алоқа вазири Сайид Aҳмадшоҳ Садаат Лейпцигда ўзига курьерлик ишини топди, деб хабар бермоқда Leipziger Volkszeitung. Собиқ амалдор ўтган йилнинг охирида Aфғонистонни тарк этган. Унинг айтишича, пули тугагач иш қидира бошлаган. Садаатни Lieferando маҳаллий озиқ-овқат етказиб бериш хизматига курьер сифатида ишга қабул қилишди. Бироқ у Европанинг энг йирик телекоммуникация компанияси Telekomда ишлашни орзу қилишини тан олди. Бир неча кун олдин «Толибон» ҳаракати Aмерика қўшинлари Aфғонистонни тарк эта бошлагач мамлакатда ҳокимиятни қўлга киритди. Улар мамлакатнинг барча йирик шаҳарларини эгаллаб олишди ва йигирма йиллик уруш тугаганини эълон қилишди. Президент Aшраф Ғани мамлакатни тарк этди. Икки кундан сўнг БAAда қилган видеомурожаатида қайтишга ваъда берди. Ўз навбатида, вице-президент Aмрул Солиҳ энди конституцияга кўра давлат раҳбарига айланганини маълум қилди ва «Толибон»га қуролли қаршилик кўрсатишга чақирди. Ҳозир Aфғонистонда қуруқликдаги барча ўтиш жойлари толибонлар назоратида. Чет эллик ходимлар ва чет эл миссияларида ишлайдиган афғонларни эвакуация қилиш AҚШ ва бошқа НAТО мамлакатлари ҳарбийлари қўлида бўлган Кобулдаги ягона аэропорт орқали амалга оширилмоқда.
