Дунёдаги биринчи McAfee антивирусини яратган Жон Макафининг беваси эрининг ўлимида AҚШ расмийларини айблади. Унинг сўзларини Reuters келтирмоқда.
«Мен ушбу фожиа учун AҚШ расмийларини айблайман. Эрим унга қарши доимий равишда сиёсий айбловлар қўйилгани сабабли вафот этди», – деди Жанис.
У Жон ўз жонига қасд қила олмаслигини ва бундай мойиллиги йўқлигини таъкидлади. Бева аёлнинг сўзларига кўра, буни эрининг сўнгги сўзлари исботлаши мумкин: «Мен сени севаман, кечқурун яна қўнғироқ қиламан».
Жанис ҳақиқатни билиб, адолатни излаш ниятида эканлигини айтди.
Эслатиб ўтамиз, америкалик ва британиялик дастурчи ҳамда бизнесмен 23 июнь куни Испания қамоқхонасида ўлик ҳолда топилди. Каталония Aдлия вазирлигининг баёнотига кўра, Макафи ўз жонига қасд қилиши мумкин эди. Кейинчалик маълум бўлишича, бизнесмен ўлган тақдирда хабар қолдирган: унда у ўз жонига қасд қилмоқчи эмаслиги айтилган.
Тадбиркор Испанияда ўтган йили AҚШнинг илтимосига биноан ҳибсга олинганди. Қироллик суди уни AҚШга экстрадиция қилишни маъқуллади. Aмерика расмийлари 75 ёшли тадбиркор ўз даромадларини турли ҳисоб рақамларга йўналтириш орқали солиқлардан қочган деб ҳисобламоқда. У Барселонадаги қамоқхонада сақланган.
