Таққослаш учун, Mi MIX Fold’нинг энг яқин рақобатчиси Samsung Galaxy Z Fold 2 ундан қарийб 1,5 баробар қиммат ва ўтган йилги процессорда ишлайди. Samsung тез орада ушбу қурилманинг янги авлодини тақдим этиши керак.
Mi MIX Fold Samsung Galaxy Z Fold 2 услубидаги конструкцияга эга бўлган. Унинг ичида 8 дюймли AMOLED-дисплей яширинган бўлиб, у тенг иккига бўлинади — томонлари нисбати 4:3 ва пикселлари сони 2480×1860. Ташқи томонига кичикроқ қўшимча экран ўрнатилган.
Катта экранда ўйин ўйнаш интернетда видео кўриш, браузердан фойдаланиш, ҳужжатлар билан ишлаш ва бошқа кўплаб вазифаларни бажариш мумкин. Ташқи қўшимча экран қўнғироқларни амалга ошириш, хабарлар юбориш ва бошқа оддий амаллар учун мўлжалланган. Компания смартфон бир миллион маротаба очилиб-ёпилишга бардошли эканлигига кафолат бермоқда.
Ташқи экраннинг техник тавсифи — пикселлари сони 2520х820 ва 90 герцли янгиланиш частотасига эга 6,52 дюймли AMOLED.
Компания Mi MIX Fold учун тизимнинг махсус стол режими ишлаб чиққан бўлиб, унда интерфейс ноутбук ва компьютерлар учун операцион тизимни ёдга солади. Мазкур режимда бир нечта ойналар билан бирдагина ишлаш ёки иш столини созлаш мумкин.
Смартфон ичидан Snapdragon 888 процессори, сиғими 5020 мА/соатга тенг аккумулятор ўрин олган бўлиб, у 67 ваттли тезкор қувватланиш
функциясига эга.
