Собиқ бокс юлдузи, афсонавий Оскар Де Ла Хойя ўзининг сўнгги жангини ўтказиш учун рингга қайтишини эълон қилди.
48 ёшли боксчи 2008 йилда боксни тарк этган эди. 3 июлга мўлжалланган баҳсда унинг рақиби ким бўлиши ҳозирча номаълум.
Yahoo Sports нашрининг хабарига кўра, Де Ла Ҳоянинг ўзи Флойд Мейвезерга қарши жанг қилмоқчи. Ушбу қарор ҳам бекорга эмас. 2007 йилдаги жангда икки боксчи ўртасидаги беллашув бокс тарихидаги энг катта пул келтирган жанглардан бири бўлган.
Де Ла Хойя сўнгги жангини 2008 йилда ўтказган. Ўшанда у Менни Пакяога қарши жанг қилиб, қақшатқич мағлубиятни қабул қилиб олган эди.
Де Ла Хойя бунгача ҳам машғулотларни бошлаб юборганини маълум қилганди. Айтишича, уни 54 ёшли Майк Тайсоннинг рингга қайтиши илҳомлантириб юборган.
Маълумот учун: Оскар Де Ла Хойя олти вазн тоифасида жаҳон чемпионлигига эришган.