Ёлғон маълумот тақдим этганлик учун катта миқдордаги пул жарималари ва 10 кунгача озодликдан маҳрум қилиш – Буюк Британия расмийлари 15 февралдан бошлаб мамлакатга киришда карантин қоидаларини бузганлик учун жазоларни кучайтирмоқчи. Бугунги кунга келиб, «қизил рўйхат»га киритилган 33 мамлакатлардан қайтиб келганидан кейин 10 кунлик меҳмонхонада карантинда бўлиш ва икки марта коронавирус тестидан ўтиш керак бўлади.
«Мажбурий синовдан ўтмаганлар учун минг фунт миқдорида жарима белгиланади, – деган Буюк Британия соғлиқни сақлаш вазири Метт Хэкок. – Иккинчи синовдан ўтмаганлар учун икки минг фунт ва карантинни автоматик равишда 14 кунгача узайтириш ҳамда белгиланган меҳмонхонада карантин талабини бажармаганлар учун беш мингдан ўн минг фунтгача жарима белгиланган».
Коронавируснинг янги турларининг тарқалиши сабабли Испания ҳукумати Бразилия, Буюк Британия ва Жанубий Африкадан келган саёҳатчиларнинг саёҳат чекловларини узайтирди. Шунингдек, Португалия билан қуруқлик чегарасида назоратни давом эттиришга қарор қилинди.
– Бирлашган Қиролликка келсак, биз 22 декабрда қабул қилинган чекловларни тўртинчи марта узайтирмоқдамиз, – деган Испания соғлиқни сақлаш вазири Каролина Дариас. – Бу инфекциянинг янги турининг тарқалиши билан боғлиқ ва шунинг учун бошқа Европа мамлакатлари каби Испания ҳам Буюк Британиядан кириш чекловларини узайтирган.
Германия ҳукумати коронавирус туфайли локдаунни 1 мартгача узайтирди. Маҳаллий оммавий ахборот воситаларининг хабар беришича, Германия канцлери Ангела Меркел федерал штатлар раҳбарлари билан учрашувда буни талаб қилди. Вазирлар Маҳкамаси ва минтақавий ҳокимият ваколат муддати узайтирилиши билан бирга қатъий карантин режимига барҳам бериш стратегиясини тасдиқлашни истамоқда.
