Ўзбекистонда 18 ёшга тўлмаганлар билан жинсий алоқа қилганлик учун икки йилгача қамоқ жазоси белгиланди.
Ўзбекистон Жиноят, Жиноят-процессуал кодексларига ҳамда Маъмурий жавобгарлик тўғрисидаги кодексига киритилган ўзгартишларга мувофиқ, ўн олти ёшдан ўн саккиз ёшгача бўлган шахснинг ўн саккиз ёшга тўлмаганлиги айбдорга аён бўлган ҳолда жинсий алоқа қилиш ёки жинсий эҳтиёжни ғайритабиий усулда қондириш учун жавобгарлик модда белгиланди.
Бундай хатти-ҳаракатларни амалга оширганлар уч юз соатгача мажбурий жамоат ишлари ёхуд икки йилгача ахлоқ тузатиш ишлари ёки икки йилгача озодликни чеклаш ёки 2 йилгача озодликдан маҳрум қилиш билан жазоланади.
Ўтган ҳафта Андижон вилоятида яшовчи аёл 16 ёшли қизини 65 ёшли қўшниси жинсий зўрлаб келгани, лекин Ички ишлар бўлими ишни бости-бости қилганини даъво қилиб чиққан, ишни назоратга олишни сўраб Омбудсмен идорасига мурожаат қилгани ҳақда Озодликка айтганди.