30 декабрь куни Навоий вилояти Фавқулодда вазиятлар бошқармаси қутқарувчилари лифтда қамалиб қолган 5 нафар фуқарони қутқарди. Бу ҳақда бошқарма матбуот хизмати хабар беради.
Шу куни, соат 18:59 да вилоят ФВБ Навбатчи диспетчерлик хизмати “1050” қисқа рақамига Навоий шаҳар М.Таробий кўчаси 110а-уйда яшовчи бир гуруҳ фуқаролар лифтда қамолиб қолганлиги ҳақида ҳабар келиб тушди.
Олинган ҳабар асоида смена бошлиғи подполковник Ш.Ҳайбуллаев бошчилигида қутқарувчилар Л.Ходжаев, К.Нуриллаев ва Ф.Рўзимуродовлар воқеа жойига етиб боришди.
Уларнинг тезкор ҳаракатлари натижасида, маҳсус қутқарув асбоб-анжомлари ёрдамида соат 19:15да фуқаролар қутқарилиб, юзага келиши мумкин бўлган бахтсиз ҳодисанинг олди олинди.
Шуни таъкидлаш жоизки, қутқариб олинганларнинг 4 нафари ёш болалар.
Навоийдан Ширингул Асоева тайёрлади
