ФИФА томонидан йилнинг энг яхшиларини аниқлаш маросими – The Best-2020 ўтказилди. Унга кўра, Польша терма жамоаси ва «Бавария» клуби ҳужумчиси Роберт Левандовски йилнинг энг яхши футболчиси деб топилди. У ўтган мавсумда ўз жамоаси билан 5 совринни қўлга киритди. Чемпионлар лигаси, Бундеслига ва Германия кубогида тўпурар бўлди. The Best-2020 соврини учун у «Ювентус» ҳужумчиси Криштиану Роналду ва «Барселона» етакчиси Лионель Месси билан кураш олиб борганди.