Жорий йилнинг август ойида Исроил агентлари Эронда амалга оширган амалиётда Ал-Қоида экстремистик гуруҳининг иккинчи энг юқори лавозимли етакчиси Абдулла Аҳмад Абдулла йўқ қилинган. Бу ҳақда The New York Times газетаси хабар қилди.
Нашрга кўра, Абу Муҳаммад ал-Масри номи билан ҳам танилган Абдулла 7 август куни Теҳронда отиб ўтирилган.
Абдулла Ал-Қоиданинг амалдаги етакчиси Айман ал-Заваҳрий ўрнини эгаллаши кутилаётган эди.
The New York Times газетасининг АҚШ разведка ходимларига таянган ҳолда хабар қилишича, қотиллик АҚШ буйруғи билан амалга оширилган.
Эрон Ташқи ишлар вазирлиги ушбу хабарни кескин рад этиб, Эрон тупроғида Ал-Қоида «террорчилари» йўқ эканлигини таъкидлади.
Исроил бош вазири офиси эса ҳисоботни шарҳлашдан бош тортди.