“Ювентус” – “Новара” ўртасидаги назорат баҳсидан сўнг туринликлар устози Андреа Пирло ўз фикрлари билан ўртоқлашди. “Ҳар хил тактик схемаларни синаб кўрмоқдамиз. Биринчи таймда тўртта ҳимоячи билан ўйнадик, ҳужум уюштирилганда эса учтага айланиши мумкин эди. 2-таймда эса доимий равишда уч ҳимоячи билан ўйнадик, аммо ҳар хил режаларни ҳам синовдан ўтказдик. Жамоа ғайратга тўла, йигитлар янги иш услубига кўникиб, завқ олишмоқда. Менга зудлик билан ҳужумчи керак. Бироқ, трансфер ойнаси ҳали анча муддат очиқ туради, октябрнинг бошигача вақтимиз бор. Роналдуда ҳаммаси жойида, у буни бугун ва Португалия термасидаги баҳсларда кўрсатди. У майдон бўйлаб эркин ҳаракат қилди”, дейди Пирло.
