Шавкат Мирзиёев: "Энг катта вазифамиз – одамларни рози қилиш"
Сайхунобод туманидаги 8-мусиқа ва санъат мактабида Президент Шавкат Мирзиёев раислигида Сирдарё вилояти фаоллари ва мутасадди раҳбарлар иштирокида йиғилиш бошланди. Бу ҳақда Президент матбуот хизмати хабар бермоқда.
Давлат раҳбари ўтган йили май ойидаги ташрифдан сўнг кўплаб лойиҳалар амалга оширилгани, лекин қилинган ишлардан кўра қилинадиган ишлар кўплигини таъкидлади.
Фото: Президент матбуот хизмати
«Энг катта вазифамиз — одамларни рози қилиш, — деди Шавкат Мирзиёев. — Бунинг учун янги корхоналар ташкил этиб, аҳолини иш билан таъминлаш, уларга ўз ҳаётларини яхшилаши учун имконият яратиш, даромад манбаини топиб бериш зарур».