Кобулдаги меҳмонхонага ҳужум учун масъулиятни Толиблар зиммасига олди
Афғон расмийлари 21 январь куни эрталаб берган баёнотга кўра, Hotel International меҳмонхонасига ҳужум қилган Толиб жангарилари билан отишмада тинч аҳолидан камида 6 киши қурбон бўлган, буларнинг бири Украина фуқаросидир.
Афғонистон Ички ишлар вазирлиги берган хабарга кўра, 12 соат давом этган отишмадан камида уч ҳужумчи ўлдирилган, меҳмонхонада қолиб кетган 150 киши қутқарилган.
Ҳужумда 6 киши жароҳат олди, булардан 3 нафари полициячидир.
Бу ҳужум учун масъулиятни Толиблар ўз зиммасига олди.
Бу меҳмонхона 2011 йилнинг июнь ойида ҳам жангарилар ҳужумига учраган ва ўшанда 21 киши ўлган, уларнинг камида 10 нафари тинч аҳоли вакили эди.