Все новости

Кыргый хайваннар кешеләр ашарга биргәннән соң торак пунктларга килеп йөри башлый. Бу хакта Дәүләт Думасының экология, табигый ресурслар һәм әйләнә-тирә мохитне саклау комитеты рәисенең беренче урынбасары Владимир Бурматов «ТАСС»ка биргән интервьюда сөйләгән.

Дәүләт автоинспекциясе кичә кич Казанда Побежимов һәм Копылов урамнары киселешендә булган юл-транспорт һәлакәтенең видеосын урнаштырды. Элегрәк «Татар-информ» авария нәтиҗәсендә «Яндекс.Еда» заказлар китерү хезмәте курьеры һәлак булуы турында хәбәр иткән иде.

Менделеевск районында бадминтонны үстерү чаралары гамәлгә ашырыла башлады. 1нче номерлы мәктәптә спорт залында ремонт ясалганнан соң яңа секция ачылды. Анда балалар һәм яшүсмерләр шөгыльләнәчәк.

Фатирда температура билгеләнгән нормадан түбәнрәк булган һәм бу күренеш рөхсәт ителгән вакыттан озаграк дәвам иткән очракта, россиялеләр җылылык өчен түләү күләмен яңадан исәпләргә хокуклы. Бу хакта Дәүләт Думасының төзелеш һәм торак-коммуналь хуҗалык комитеты рәисенең беренче урынбасары Владимир Кошелев хәбәр итте, дип яза РИА Новости.

Казан циркы тамаша залында коляскадагы инвалидлар өчен махсус урыннар җиһазландырылды. Хәзер биредәге тамашаларны инвалид коляскасындагы алты тамашачы карый алачак. Бу хакта Татарстан Мәдәният министрлыгы хәбәр итте.

Казанның «Җиңү» торак комплексында кайнар су торбасы өзелгән. Шаһитлар социаль челтәрләрдә видеолар урнаштыра. Кадрлардан күренгәнчә, парковкадагы машиналарга кайнар су ага.

Ана капиталы – Россиядә демографияне арттыру өчен иң нәтиҗәле чара. Программа ярдәмендә илдә 2 миллионнан 2,5 миллионга кадәр бала туган. Бу хакта Дәүләт Думасының гаиләне яклау һәм аталар, аналар һәм балалар мәсьәләләре комитеты рәисенең беренче урынбасары Татьяна Буцкая хәбәр иткән. Аның сүзләрен «ТАСС» китерә.

Дәүләт Думасы депутаты Әмир Хәмитов эш бирүчеләрне хезмәткәрләргә таксида эшкә бару һәм кайту бәясен компенсацияләргә мәҗбүр итү инициативасы белән чыгыш ясады. Аның сүзләрен РИА Новости китерә.

Казахстанның Уральск шәһәрендә күренекле композитор, җәмәгать эшлеклесе һәм профессор Нәҗип Җиһановның тууына 115 ел тулу уңаеннан юбилей чаралары башланып киткән. Тематик чаралар циклын «Музыка чишмә башы: Нәҗип Җиһановның балачагы» әдәби-музыкаль кичәсе ачып җибәргән. Бу хакта Бөтендөнья татар конгрессы хәбәр итә.

Yummy Music Band музыкантлары 15 февральдә, Илһам Шакировның туган көнендә, Казан халкы һәм башкала кунакларына «Илһам Шакировка багышлау» концертын тәкъдим итәчәк. Кичә Габдулла Тукай исемендәге татар дәүләт филармониясендә узачак. Концерт программасында солистлар Илгиз Шәйхразиев, Илгиз Мөхетдинов һәм Руслан Закиров чыгышлары көтелә. Бу хакта Татарстан Мәдәният министрлыгы хәбәр итә.

Казанда кичә кич Копылов һәм Побежимов урамнары киселешендә фаҗигале юл-транспорт һәлакәте булган.

2025 елда илкүләм проектларны гамәлгә ашыру нәтиҗәсендә Татарстанда 468 капиталь төзелеш объекты төзелгән, капиталь ремонтланган һәм модернизацияләнгән. Республикада илкүләм проектларны гамәлгә ашыру өчен барлыгы 46,4 млрд сум акча юнәлтелгән, дип хәбәр иттеләр республиканың Икътисад министрлыгы матбугат хезмәтендә.

Казанда 3 февральдә 15:30 сәгатьтә «Сандугач» яшүсмерләр клубында вокал буенча мастер-класс узачак. Чара «Яңарыш» проекты кысаларында оештырылачак. Бу хакта Казан мэриясе хәбәр итә.

Казанда Мулланур Вахитов туган йортка ясалган экспертиза эшләп бетерү өчен белгечкә кире кайтарылачак

Эшләүче ата-аналар салым ташламасыннан файдалана ала. Балалар үстерүче гражданнар керемгә салымны азрак түләү мөмкинлегенә ия.

Шимбә, 24 гыйнварда, Татарстанда аязучан болытлы һава торышы була. Явым-төшем көтелми. Бу хакта ТР Гидрометеорология үзәге хәбәр итә.

Татарстан Республикасының Инвестицияләрне үстерү агентлыгы хәбәр иткәнчә, Мамадыш районында яңа реабилитация үзәге ачу мөмкинлеге карала. Әлеге үзәктә махсус хәрби операциядә катнашучылар, спортчылар өчен тернәкләндерү процедуралары, шулай ук операцияләрдән соңгы сәламәтлекне торгызу хезмәтләре күрсәтеләчәк. Бу хакта «Нократ» газетасы хәбәр итә.

Халыкара хатын-кызлар көне алдыннан редакция иҗади конкурс игълан итә. Без алабугалыларны яраткан педагогларга, тәрбиячеләргә һәм репетиторларга багышланган елмаюлар һәм ихлас теләкләр галереясын булдыруда катнашырга чакырабыз, дип хәбәр итә «Алабуга нуры».

Россия студентлары көне алдыннан Чистайның «Восток» мәдәни-ял итү үзәгендә Чистай районы башлыгы стипендиясен тапшыру тантанасы булды. Бу хакта «Чистай-информ» хәбәр итә.

«Тынычлык өчен! Ватан өчен!» волонтерлар төркеме гуманитар йөк туплап кабат юлга кузгалды, дип хәбәр итә «Хезмәт» газетасы.