World News in Tatar

Иртәгә, 8 мартта, ТР Милли китапханәсендә «Многоролевая женщина: Проектный подход к жизни без выгорания» дип аталган лекция була. Чара карьера белән гаилә тормышы арасында баланс сакларга өйрәнергә теләүче хатын-кызларга кызык булачак. Бу хакта ТР Милли китапханәсе матбугат хезмәтендә хәбәр иттеләр.

Татарстан мөфтиятенең «Зәкят» хәйрия фонды «Рамазан – игелекле гамәлләр ае» марафоны кысаларында инвалид һәм мохтаҗ балалар өчен хәйрия акциясе үткәргән. Фонд «Егет» чәчтарашханәсе белән берлектә күпбалалы һәм аз керемле гаиләләрдә тәрбияләнүче һәм сәламәтлек мөмкинлекләре чикләнгән балаларны бушлай чәчтарашханәгә алып барган. Бу хакта Татарстан мөселманнары Диния нәзарәте хәбәр итә.

2025 елда Татарстан кунакханәләренең керемнәре 9,3 млрд сум тәшкил иткән. Татарстанстат мәгълүматларыннан күренгәнчә, бу узган ел белән чагыштырганда 59,1 процентка күбрәк.

Россиядә яз башыннан гражданнарның, аеруча балаларның һәм яшүсмерләрнең сәламәтлеген яклауга юнәлдерелгән яңа законнар үз көченә керде. Аерым алганда, 1 марттан энергетикларның рекламасын балигъ булмаган балаларга адреслау һәм мондый эчемлекләрдә витаминнар яки биологик актив өстәмәләр бар дип сөйләү тыела. Бу хакта Дәүләт Думасының матбугат хезмәте хәбәр итә.

Казанның Вахитов һәм Идел буе, Совет, Авиатөзелеш һәм Мәскәү районнарында юлларны ремонтлауга 5 млрд сум бүлеп биреләчәк. Тендерлар дәүләт сатып алулары сайтында урнаштырылган.

Бүген Татарстан Республикасы Хөкүмәте йортында узган киңәшмәдә Татарстан Премьер-министры урынбасары – ТР авыл хуҗалыгы һәм азык-төлек министры Марат Җәббаров язгы кыр эшләренә әзерлек барышы һәм нәселле терлекчелек тармагының торышы турында сөйләде. Бу хакта ТР Рәисе матбугат хезмәте хәбәр итте.

Бу сезонда «Татарстанда кыш» масштаблы проекты чараларында 4 миллионнан артык кеше катнашты. ТР Рәисе Рөстәм Миңнехановның инициативасы белән башлап җибәрелгән проект 45 муниципалитетны колачлады. Декабрьдән февральгә кадәр республиканың 1000 мәйданчыгында 1500 чара узды.

Хезмәткәрләренә эш хакы түләмәгән Зәй кирпеч заводын 1,3 миллион сумнан артык бурычын түләргә мәҗбүр иттеләр.

Узган атнада Ираннан Азәрбайҗанга 282 Россия гражданинын эвакуацияләгәннәр. Бу хакта Азәрбайҗан Дәүләт чик буе хезмәтенә сылтама белән ТАСС яза.

Махсус операция хәрбиләре Татарстанда яшәүче хатын-кызларны 8 Март – Халыкара хатын-кызлар көне белән котлап видеомөрәҗәгать яздырган.