Аспирантура һөнәри әзерлекнең аерым дәрәҗәсе булачак
Югары белем бирүнең яңа системасында аспирантура һөнәри әзерлекнең аерым дәрәҗәсе булачак. Бу хакта РФ Мәгариф һәм фән министрлыгы матбугат хезмәте хәбәр итә, дип яза РИА Новости.
Ведомствода билгеләп үтүләренчә, хәзерге вакытта аспирантура программалары буенча югары квалификацияле кадрлар әзерләү югары белем бирү кысаларында алып барыла. Яңа системада бу этап һөнәри белем бирүнең аерым дәрәҗәсе итеп бүленәчәк.
Министрлыкта шулай ук Россиядә якланган кандидатлык һәм докторлык диссертацияләре саны артуын билгелиләр. 2025 елда 9 меңнән артык кандидатлык диссертациясе яклаганнар – 2024 елга караганда 9,7 процентка күбрәк, шулай ук 1,2 меңнән артык докторлык диссертациясе, бу алдагы ел күрсәткеченнән 10,4 процентка артык.
2026/27 уку елына фәнни һәм фәнни-педагогик кадрлар әзерләү программалары буенча аспирантурада 18 215 бюджет урыны билгеләнгән, дип ачыклык керттеләр матбугат хезмәтендә.