Муса Җәлилнең тууына 120 ел тулу уңаеннан икетомлык басылды
Казанда Муса Җәлил шигырьләреннән торган «Алтын кояш нурларында» исемле икетомлык нәшер ителде. Җыентык Татарстан композиторларының вокаль һәм хор өчен язылган әсәрләреннән төзелгән. Икетомлык герой-шагыйрь Муса Җәлилнең тууына 120 ел тулу уңаеннан басылды, дип хәбәр итә Татарстан китап нәшриятының телеграм-каналы.
Әлеге җыентык Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән нәшер ителде.