Татарстанның өч индустриаль паркы 34 млрд сумлык федераль субсидия алачак
Татарстан сәнәгать инфраструктурасын үстерүгә федераль субсидияләрнең төп өлешен алачак. Финанслауның гомуми күләме 34,3 млрд сумнан артып китә, шул ук вакытта бөтен сумма диярлек республикага юнәлдереләчәк.
Акчаларны төбәкнең төп сәнәгать мәйданчыклары – «Алабуга «махсус икътисади зонасы, «Лаеш» һәм «Этилен-600» индустриаль парклары арасында бүлеп бирәчәкләр. Алар барлыгы 34,2 млрд сумнан артык акча алачак.
«Бу гаять зур финанс кертү инфраструктура үсешен тизләтергә тиеш, бу, һичшиксез, төбәк икътисадына мультипликатив эффект күрсәтәчәк», – дип билгеләде Дәүләт Думасының Икътисади сәясәт комитеты рәисе Максим Топилин.
Ул ассызыклаганча, проектларны гамәлгә ашыру сәнәгать үсешен тизләтергә, яңа эш урыннары булдырырга, икътисадның конкурентлык сәләтен арттырырга һәм югары технологияле һәм катнаш тармакларны үстерүне стимуллаштырырга мөмкинлек бирәчәк.