Бүген Татарстанда +16 градуска кадәр җылыта һәм бераз яңгыр көтелә
2 апрельдә Татарстанда аязучан болытлы һава торышы көтелә. ТР Гидрометеорология һәм әйләнә-тирә мохитне күзәтү идарәсе фаразлавынча, бераз яңгыр явачак. Иртән урыны белән томан күзәтелә.
Көнчыгыштан һәм көньяк-көнчыгыштан секундына 5-10 метр тизлектә искән җилнең тизлеге көндез урыны белән 13 метрга кадәр көчәя.
Көндез максималь температура +8..+13 градус тәшкил итәчәк, урыны белән термометрның терекөмеш баганасы +16 градуска кадәр күтәреләчәк.