Татарстан җыелма командасы шашка буенча Россия чемпионатында ике медаль яулады
Мәскәү өлкәсенең Покровское авылында шашка буенча Россия команда чемпионаты узды. Татарстан спортчылары ике дисциплинадагы ярышларда призлы урыннарга лаек булды, дип хәбәр иттеләр Татарстан Республикасы Спорт министрлыгының матбугат хезмәтендә.
Республика данын Р.Г.Нәҗметдинов исемендәге Республика олимпия резервындагы спорт мәктәбе тренеры, халыкара гроссмейстер Дмитрий Цинман, шулай ук аның кул астында тәрбияләнүчеләр – спорт мастерлары Андрей Гнелицкий, Максим Волков, Арсен Михайлов һәм Денис Шогин яклады.
Турнир «Россия спорты» дәүләт программасы кысаларында оештырылды. Чара балалар һәм яшьләр арасында физик культураны һәм спортның интеллектуаль төрләрен популярлаштыруга юнәлдерелгән.