Авиаконструктор Миннислам Вәлиев 95 яшьлеген билгеләп үтә
Казаннан тыл хезмәтчәне Миннислам Миндин улы Вәлиев бүген 95 яшьлек юбилеен билгеләп үтә. Бу хакта ТР Хезмәт министрлыгы матбугат хезмәте хәбәр итә.
Фото: © шәхси архивтан
«Миңнеслам Миндин улы 1931 елның 28 мартында ТАССРның Чүпрәле районында туа. Казан авиация институтын тәмамлый, Вольный Стан авылының «Ударник» колхозында эшли. 1956 елдан Казан вертолет заводында инженер-конструктор, конструкторлык бюросы башлыгы, урынбасары һәм баш конструктор, әйдәп баручы инженер-конструктор буларак хезмәт куя. Ул Ми-4 һәм аларның модификацияләрен, Ми-8, Ми-14, Ми-8МТ, Ми-8мМТВ, Ми-8МТВ2, Ми-17, Ми-17-IBA (госпиталь), Ми-172, Ми-38 вертолетларын булдыруга, серияле җитештерүгә, модернизацияләүгә һәм техник яктан яңадан коралландыруга зур өлеш кертә», – дип сөйләделәр министрлыкның матбугат хезмәтендә.
- Миннислам Миндин улы – ТАССРның атказанган машина төзүчесе, вертолет конструкциясен модернизацияләү буенча 500дән артык тәкъдим авторы, уйлап табу буенча җиде патент иясе. Ул хезмәт ветераны һәм «Казан вертолет заводы» ААҖнең мактаулы ветераны.