Пензада Ураза гаетендә балалар йортлары өчен татар милли ризыклары әзерләү акциясе узган
20 мартта, Ураза гаете бәйрәмендә, Пензада балалар йортларында тәрбияләнүчеләр өчен татар милли ризыклары әзерләү хәйрия акциясе узган. Чараны Ислам рухи үзәге – «Нур-Ислам» мәчете оештырган. Акция «Яхшылык гаиләдә башлана» шигаре астында үткәрелгән. Бу хакта Пенза өлкәсе татар автономиясе хәбәр итә.
Хәйрия акциясенә балалы гаиләләр кушылган. Алар Пенза өлкәсе балалар йортларында тәрбияләнүчеләр өчен традицион тәм-томнар әзерләгән һәм җылы хатлар язган.
Акциянең миссиясе:
- Россия халыкларын игелекле эшләр аша берләштерү;
- милли һәм гаилә традицияләрен торгызу;
- балаларны кечкенәдән хәйриячелек эшенә җәлеп итү.
Балалар йортларында тәрбияләнүчеләр акция ярдәмендә мөселманнарның иң мөбарәк һәм шәриф бәйрәмендә – Ураза гаетендә тәмле ризыклар белән сыйланган һәм бәйрәм рухын тойган.