Лениногорск районыннан тыл хезмәтчәне Фатыйх Җиһангиров 95 яшьлек юбилеен билгеләп үтә
Лениногорск районыннан тыл ветераны Фатыйх Газыймҗан улы Җиһангиров бүген 95 яшьлек юбилеен билгеләп үтә. Бу хакта Татарстан Республикасы Хезмәт, халыкны эш белән тәэмин итү һәм социаль яклау министрлыгы хәбәр итә.
Җиһангиров 1931 елның 15 мартында Лениногорск районының Кирлегәч авылында туа. Бөек Ватан сугышы елларында, яшүсмер чагында ук, туган авылында колхозда эшли.
Сугыштан соң машина йөртүче булып эшли, аннан лаеклы ялга чыга. Әмма пенсиягә чыккач та хезмәт эшчәнлеген дәвам итә – телевышка каравылчысы булып урнаша.
Фатыйх Газыймҗан улы ике тапкыр өйләнгән, беренче хатыны да, икенче хатыны да вафат. Биш ул үстергән, шуларның өчесе бүген исән. Ветеранның 10 оныгы һәм 20 оныкчыгы бар, алар аның янына даими килеп, сөендереп торалар.