Актаныш районы Иске Богады халык театры махсус операциядәге солдатларга ярдәм итте
Актаныш районының Иске Богады халык театры Туфан Миңнуллинның «Йөрәк маем» комедиясен тамашачыларга тәкъдим итте һәм аннан кергән акчаны махсус хәрби операциядә катнашучыларга ярдәм фондына тапшырды. Бу хакта Бөтендөнья татар конгрессы матбугат хезмәте хәбәр итә.
«Йөрәк маем» спектаклен артистлар ике тапкыр - авыл сәхнәсендә, бер мәртәбә район мәдәният йортында Актаныш районындагы театр декадасы кысаларында тамашачыларга күрсәтте.
Иске Богады театрының быелгы сезонында төп үзенчәлек шунда – артистлар чираттагы спектакльдән кергән акчаны «Без бергә» ярдәм фондына тапшырды. Соңгы спектакльдән 10 400 сум акча җыелган, ул хәрби операциядә катнашучы якташларга кирәкле әйберләр сатып алуга тотылачак.